Nr 13. Waimelan sel 24 Mail 1874

Koon olli Wallawannemb A Sulg

Woolmundri Peter Waiso

Abbi Michel Samoson

PaKohtomees Peter Pichl

Abbi Michel Traks 

dito Jaan Waiso

Konna seen wallan noor rahwas ülleültse ütte roppu ello armastase ella ja weel nimmelt nore poisi isse hulku kaiwa nink pühhapäiwi omme mängorestoga kostzin nink kotton wasta kolmandat Käsko nink Sadusse ramedul 1860 a wälja antus 1046 rikkuwa sis om neide ülle selle koggo konna kohto ja wallawallitsusse polest se perran nimmitedu Sädus kirjotedu. 

1 Ütski teendri ei tohhe ilma omma perremehhe ehk leiwawannemba lubbata kottost ärrä minna, kui temma luppa ei ei olle kussino kos temma läh? mis asja perrast: ja kui kauges aos? kes sedda ei te se massap kui temma ülle kaiwatas ehk arro sadas et temma nida ilm lubbata om kaino 2 Rbl waeste Latiko hääs trahwi.

2 Ei tohhe pühhapäiwa ütsegi pois emma pilli ehk mängo ristaga kostsin ei ka kotton helli tetta, sest pühhapaiw sago waggatselt puhhitsedus, kes neide koske waste seen Punktin teep see massap kolm rubl waeste Ladiko trahwi.

3 Ei tohhi nore poisi mitte ütsinda ei ka hulga wisi ööse hulki, kes nida käip ja awwalikos saap, saap pois 25 witsa logika koggokonna kohto een ärrä trahwitus. 

4. Kui üts tüttrig lassep ööse omma maggaus honete märästki poisi sisse ehk teep usse wallale, se saap 2 kunni 3 ääs paiwas koggokonna wangi pantus kohto otsusse perra. 

5. Om üts pois tütrigo man maggano ja tütrigi anno sedda ülles kohtole sis lääp temma 3 ääs päiwas koggokonna wangi. 

6. Kui üts perremees ehk perrenaine löwwäp särätsil ette talle kit omman majan ehk ussaja pääl nink ka mängimist pühhapaiwa ja ei anna jalla päält, koggokonna kohtole ehk wallawallitsussele ülles, sis massap särätsel ette tullekil perremees wiis rubla trahwi kommast 3 Rub waeste Ladikotto ja 2 rbl ülles ülles andja hääs kohto otsasse perra tõttes leggemesse perrast saap mastus. 

Neide een nimmitedu Punkte ülle peawa kei walla perremehhe ja ka ammetimehhe kaugel hoolt kandma, et se kinnites tõtteste saap petus. 

Wallawannemb A. Sulg [allkiri]

Woolmundri Peter Wäiso [allkiri]

dito Michel Samosoon xxx

PäKohtomees Peter Pihl [allkiri]

Abbi Mihel Traks [allkiri]

dito Jaan Wäiso [allkiri]

Nõumees: Johann Samoson [allkiri]

Mihel Runthal [allkiri]

Hindrig Waiso xxx 

Peter Pahl xxx

Pets Jaaska xxx

Kirjotaja JohKangru [allkiri]