Ette tulli Peter Saks ja kaibas, et temma ollew 6 aasta eest ommale wäumehhe Andri Paijole 5 rubla lainanu, ja nüüd ollew küsinu, ent ei tahtwat massa, waid tahtwat ossast mahha arwata.

Selle päle kutsuti Andri Pai kohtu, ja loeti een saiswa kaibus ette, ja temma ütles kül 6 aasta eest 5 rubla omma naise essa Peter Saksa käest lainanu ollewat, ent säält mant ollew temma 4 aasta ütte lehma karja rahha a 42 kop. Summa 1 rubla 68 kopkat ärra masnu, ja maswat kiik puduwa rahha ärra.

Ent Peter Saks ütles perran wastusse ette luggemist, et ennegi katte aasta eest ollew Andri Pai temma lehma eest karja (se teep 84 kop) masnu.

Kohtumõistus

Andri Pai peap 4 rubla 16 kopkat katte näddali aja sissen Peter Saksale ärra masma.

Se kohtomõistus sai kohtunkäüijle kuluteus ja prg 773-774. Tal.rah.säd. 1860.a. ärraselletedus mis oppust andwa suremba kohtunkäümisest, ja Peter Saks jäije selle mõistmisega rahul ent Andri Pai tolleperrast mitte, et 2 aasta karjarahha ka ei arwatu, ja wimatse sai neile ka prg. 881 perra se trükkitu oppuse leht wälja antus.

Päkohtomees Peter Pedras XXX

Kohtumees Hendrik Hallop XXX

       "             Jaan Mikheim XXX

Kirjotaja P. Haberland