Ette tulli Kabist Jaan Kabist ja kaibas, et Rein Ilwessele ollew temmale weel to temma käen ollewa maa eest 18 rubla renti masmata.

Selle päle kutsuti Rein Ilwes kohtu ja loeti eensaiswa kaibus ette, ent temma es ütle henda teedwast kül mitte ütte kopikat Jaan Kabistega teggemist (ollewat) waid täwweste omma maa renti tälle ärra masnu ollewat.

Sis kutsuti Jaan Kabist kohtu, ja loeti eensaiswa Rein Ilwesse wastutaminne ette, ent temma ütles, et kunna minnule selle asjan tunnistaijt ei olle ja temma ärra salgap, sis kingi minna to 18 rubla renti rahha Rein Ilwessele, kui temma arwas rikkas saija.

Se kingitus saije Rein Ilwessele kulutedus ja temma ütles, et temma ei prukiwat särast kingitust, kunna temmal jo middagi massa ei ollew.

Kohtumõistus

Kunna Jaan Kabist essi om to 18 rubla siin kohtu een Rein Ilwessele kinkno, sis ei woi meije ka ennamb middagi mõista.

Päkohtomees Peter Pedras XXX

Kohtomees Hendrik Hallop XXX

        "           Jaan Mikheim XXX

Kirjotaja P. Haberland