Laiksaar koggokonna kohhus sel 5mal Februar 1857

kohto pael ollit: Johann Petersohn, kohto pae

Jurri Orraw -,,- abbi

Jaan Joost -,,- abbi

Mõtsa herra praua kaibas õhe kirga lebbi siga kohtus, et timma perre on korstnast suitseto sealihha warrastano, ja et kohhus sedda ülles wattap ja neid süallust rabib.

Tulli ette Karl Rul ja wastatas küssimisse jerrel, et timma ei olle mitte warrastano, on agga neino, et se kögi tüddruk Kadri Jürgensohn on sea lihha ketno ja selle poisil Matsil andno.

Tulli ette Mai Leinasaar ja üttel küssimisse jerrel wella, et timma ei olle mitte suisetat ses liha warrastano, agga et ta on neino, et kahha peiwade est on perre suppu sehes kül nesuggone lihhe kehmas olno, ei tia agga mitte, kes se lihha on söno.

Tuli ette Mats Mennik ja wastatas küssimisse jerrel, timma on neino, et Mats Jerw ja Johann Lemmus on pari päwa est nesuggone lihha söno, ja et Johann ei woino sedda lihha erra seiga ja on se üllejaeno ahjo wiskano.

Tulli ette Johann Lehmus ja üttel küssimisse jerrel wella, et timma on lihha Mats Jerwe kest sano ja mis ülle saeno, on timma ahjo wiskano.

Tulli ette Mats Jerw ja üttel küssimisse jerrel wella, timma on se lihha Kadri Jürgensohni kaest sano, ja on timma Johannil ka andno.

Kohhus moistis:

Selle perrast, et Kadri Jurgenson on se lihha warrastano tunnistamisse jerrel peap timma kaks kümmend wies witsa obi sama.

Johann Petersohn, kohto pea xxx