Karola wölmender waibus Waltina Kasperre ülle.

Sel samal Kohto peiwal tulli Karola walla wölmönder, Koggo Konna Kohtu man, nink Kaiwas et wanna Anzmoisa Moetza Waht Waltina Kasper, temma Aidast om wargile olnu nink welga woetnu. 

Linnu 2 Punda 7 Nakla

2 Punda Woida

üts wak Surmit

4 Meesste Hammet

2 paari Willatse Kinda

1 Poom willane Rätt

2 walget Linnaset Rätti

3 R Klubbi Rahha

6 Tenga wask Rahha

24 Nakla Sergi Rõiwast nink

3 pestu Sikka Nahka. 

Kigest noidest warrastetu Assjust om se Kirreko wölmender Soe Otza Davit Tobias, tolle Waltina Kaspere man Aidast üts kumune Nalaline Kimp Linno löidnu.

Nisamuti kaiwas Wölmender Soe otza Davit Tobias et temma minnewa Talwel om Waltina Kasperele 20 R pabbere Rahha lainanu nink pallel se Rahha Kohtu läbbi kaette saia. 

Se moetza Waht Waltina Kasper sai Kohtu ette kutzutu, nink tunnisstass et temma se Warguss om warrastanu, nink lubbab kaette anda. 

Otsus.

Kohus moistas selle ülle, et üts Koggo Konna Kohto Mehs piddas liggi minnema, nink kiek se Waltina Kaspere warrandus ülles woetma nink koju alla panna ni kaua kui selletus sab.