Ette tulli Peep Mikheim ja kaibas, et Jakob Michelsoni ellaja ollew temma kara ni ärra söönu, et suur kahjo tälle sanu, kedda ka kohtomehhe ülle kaenu ja nõudis kahjo tassomisses 4 wakka karo.

Selle päle kutsuti Jakob Michelson kohtu ja loeti kaibus ette ja temma andis wastust, et temma ellaja ollew kül to kara (ülle) sõnu, ent temma arwamise perra sawat 1 wakkast karost kül.

Kohtomõistus.

Kunna meije essi se kahjo olle ülle kaenu ja sääl ärra kahjo takserinu, sis peap Jakob Michelson 4 näddali aja sissen 1  1/3 wakka karo Peep Mikheimile kahjo tassomisses masma.

Se kohtomõistus sai kohtonkäüijle kulutedus ja prg. 773-774 Tal.säduse ram. 1860.a. ärraselletedus, mis oppust andwa suremba kohtonkäümissest ja kohtonkäüja jäiwa mõllemba selle mõistmisega rahhul, ent wimate sai neile prg. 881 perra se trükkito oppusse leht wäljaantus.

Päkohtomees Peter Pedras XXX

Kohtomees Jaan Mikheim XXX

        "            Hendrik Hallop XXX

Kirjotaja P. Haberland