Tõine kohus selsamal päiwal.

Tulli ette maamõõtja Otto Grünberg ja kaibas Jaan Neimann ja tema asemik Jaan Praggi pääle, et mes minul rentnik Jaan Margaga läbi oma maja müümises Neimannile selletust wai tasumist om, seda om lubanu Jaan Neimann, tema asemik, kes minuga ostmise leppingu om tenu ja raha masnu, nagu joba Jaan Praggi seda siin kogokonna kohtu een, ka sel 26. Oktobril s.a. om tunnistanu, et kiik seletus tema ja Jaan Neimanni pääl om, nink minul, Grünbergil, minkisugust tegemist rentnikuga ei ole, kos mulle nüüd kohus Jaan Margale om mõistnu 170 Rubla kahjutasumist wälja massa ehk andku mina eenostmise õigus, mes kumbgi minul täuta wõimalik ei ka õigus ei ole ning palle kohtu selletust.

Kutsuti ette Jaan Neimann kes ütles, kui mina rentnik sisse jättan, sis ei ole minul temale ütte kopkat waja massa ent kui Jaan Praggi om selletust henda pääle wõtnu, selletagu ja masku tema.

Otsus:  Selle et Jaan Neimann om saatnu henda eest Jaan Praggid maija ostma nink raha masma nink selle leppinguga rahu peap olema, mes Jaan Praggi om tennu nink selle eest saisma jäp päälegi Jaan Praggi esi siin kogukonna kohtu een sel 26. Oktobril s.a. № 80 om tunnistanu et kiik seletus Jaan Margaga tema nink Jaan Neimani pääl om ja Grünberg selle rentniku asjast hoobis prii om mõistetu, massap Jaan Neiman Grüünbergile se kadumise raha 170 Rublid wälja wai andku eenostmise õigus Jaan Margale.

Sai kohtu otsus kohtun käüjale ja §§ 773 ja 774 ette loetus. Jaan Neiman es ole sellega rahul, et mes eest mina massa kui rentnik paika jätta.

Protokoll om sel 22. Dezembril 1873 wälja antu.

L.S.         Ala kiri nagu ülewel.