Sel 18 Mail 1887.

Kaibas Jaan Puhm, kes praegu Krüdnerin ellab, et tema 5 koormat keswa põhku ollnu Haslawa mõisa rehe päkasti pantu ja pääkasti wälja ollnu naeluga kinni naelutedo, Haslawa Kõrzimees Märt Oessu olli kewadest poolt talwe selle pääkasti harja puu lahti kangutanu ja sält selle põhu ommale wedanu ja ärra sötnu. 

Kaibaja nõudis selle põhu est ja kahjutasumist koko 120 rubl selle et temal 1 lehm sögi nälga ärra tahtnu lõppe, tema sis selle lehma ärra müima pidanu ja ollewat heino ostma pidanu.

Märt Oessu wastutas selle kaibuse päle, et tema kaebaja põhku wõtnu ei olle tema jagu õlgi ollnu ka rehe all ja seda om tema wedanu ja kaibajal ei ollnu üttegi lubba seal rehe jures õlgi ehk põhku pidada.

Jaan Puhm ütles, et Haslawa mõisa rentiherra Rapp ja Haslawa wallitseja herra om just jurde sanu kui Märt Oessu tema õlgi ehk põhku rehe jurest tonu.

Otsus: et Haslawa mõisa rentiherra Rapp ja wallitseja herra ette om kutsuta. 

Päkohtumees:Johan Link XXX

Kohtumees  Jürri Kärn XXX

" Johan Opman XXX

" Johan Kliim XXX