Ette tulli Hendrik Kallasse ja kaibas, et Ado Lauk andno ütte wäikse tükki maad ja temma tennu ütte jalgsi päiwa too eest, ent nüüs wõtno jälle taggasi ja ütlewat to jalgsi päiw ollew to eest, et ütskõrd hobbest andno, mis täll jo essigi sada olno hobbese wahhi palka man.

Selle päle kutsuti Ado Lauk kohtu ja loeti kaibus ette ja temma ütles to jalgsi päiwa to eest sanu et kõrd hobbest andno, ent hobbese wahhi palkas ei olno hobbest leppito.

Kohtomõistus:

Ado Lauk peap to ütte jalgsi päiwa eest 30 kopkat 14 päiwa aja sissen Hendrik Kallassele masma.

Se  kohtomõistus sai kohtonkäüijle kulutedus ja prg. 773-774 Tal. säd. ram. 1860.a. ärraselletedus, mis oppust andwa suremba kohton käumissest ja kohton käüja jäiwa mõllemba rahhul ja wimate sai neile prg. 881 perra se trükkito oppusse leht wälja antus.

Päkohtomees Peter Pedras XXX

Kohtomees Jaan Mikheim XXX

        "            Hendrik Hallop XXX

Kirjotaja P. Haberland