Neljas kohhus sel sammal päiwal 

Tulli ette Adam Lukkatz ja kaibas et Maamotja Otto Grünberg ollewat tälle 18 rubla wõlgo olno, ja om temma omma wõlga nõudno, kos pääle Grünberg tälle üttelno, mull wallalist rahha ei olle, kui Rentrendi tähte tahhat wasta wõtta, ja mulle rahha taggasi anda ni paljo kui minno rentrendi täht suremb sis saame tassa;  ja sis lännowa Ihamarro Kõrtsimehhe manno nink Adam Lukatz näüdäno Ihamarro Kõrtsimehhe Peter Dulderile sedda Rentrendi tähte kas om õige ja suur 63 Rub 24 kop nink Dulder üttelno õige ollewat. 

Perran sedda lännowa Adam Lukkatz ja Grünberg Adam Lukkatzi maija sääl tennowa selge rechnung ärra ja piddano Grünbergille rahha pääle masma nink ollewat Adam Lukkatz selle 63 Rubla 24 kop Rentrendi paberi pääle 45 Rubla pääle masno ja saano tassa. 

Nüüd ütlep Adam Lukkatz et se rentrendi täht  № 7067. om ennegi 52 Rubla suur ja nõwwap Grünbergi käest weel 10 Rubla manno, et om rohkemp masno kui Paber om wärt olno, ja andis Peter Dulderit tunnistaijas.

Kutsoti ette Peter Dulder kes ütles minna küsse Adam Lukkatz käest paljo sinna omma Rentrendi paberi eest massit, Adam Lukkatz üttelno 63 Rubla 24 kop sedda ollewat Grünberg ka kuulno. 

Kutsuti ette Maamotja Grünberg ja sai Adam Lukkatz kaibus ja Peter Dulder tunnistus ette loetus ja sai küssitus kas se Rentrendi täht om se № 7067. mes teie Adam Lukkatzil ollete andno sel 16dal Oktobril temma omma Maijan, ja too om õige minna andsin omma wõlla selletamisse perrast nink ei olle temmale mitte 18 Rublat wõlgo olno enge wilja mes rahha pääle sai arwatus ja ossast ka Rahha, 

Sedda annan minna perra, et Adam Lukkatz piddi minno käest 63 Rubla 24 kop suur Rentrendi paberi wõtma agga kui temma maija saie es olle Adam Lukkatsil mulle ni paljo rahha taggasi anda ja pallel wähhänbat Rahha paberit, kos minna sis temmale se № 7067 suur 52 rubla ja kopkit pääle andsin nink temma mulle se tullew Rahha selle paberi surose perra taggasi and, tolsamal päiwal kui minna olli säält ärra tulno, tulli arwata üts tund perran minno ärra tullemist A. Lukkatz mulle perra ja ütles: 1 Rbl olle minna teile rohkemb masno kui mull õigos olli massa, minna arwosi perra ja olli küll 1 Rbl rohkemp saano ja andsin kohhe Duldre aida läwwe pääl too 1 Rbl taggasi sedda näggi ka Peter Dulder; kui Adam Lukkatsil minno käest olles weel saada ollo sis olles wõino jo ammogi nõuda ja mitte 5 näddali perrast.

Otsus   Keiserlikko Maijesteti Keige wenne Rigi essi Wallitseia kässo pääle mõistis kohhus. 

Peter Dulder tunnistusse perra et Maamõtja Grünberg ollew kulno kui Dulder Adam Lukatz käest om küssino et paljo sinna massit too Rahha paberi eest kos A Lukkatz om üttelno 63 Rubla 24 kop peap Grünberg Adam Lukatzil 10 rubla wälja masma. 

Sai kohto otsus ja § 773 - 774 kohton käiadelle ette loetus ent Grünberg es olle tolle perrast rahho et egga keaki es näe kui paljo rahha minna Adam Lukkatz käest sain. ja pallel Protokolli mes kohhos ka lubbas anda

(LS)        (Alla kirri ni kui üllewalgi)

Protokoll wälja anto sel 30dal Nowembril 1873.