Werru Balajew kaebas, kui ta minniwa näddele pühhapaiwan öddakun om Wikki Fritze man läino omma roiwit otsima ja wotta, siis om Wikki Fritz temma armeto wastu rindo ja päe paele löno, selle ülle ommawa tunnistajad Timofei Jakow ja Kara Pedo.

Kara Pedo ette kutsutud tunnistas ta om näino kui Wikki Fritz om Werru Belajew 2 kord wastu rinda löno.

Timofei Jakow kohto ette kutsutud tunnistas ta om essi näino kui Wikki Fritz om Werru Belajew munni kord wasto rinda ja päe paele löno.

Wikki Fritze polest tullis kohto ette Johann Maido, ja tunnistas ehk Werru Belajew om Körtsis tulno ja Wikki Fritze säimano ja temma löno, ja ehk Wikki Fritz om temma wasta löno, ta tunnistas weel ,ehk ta om mitte man olno kui se riid ja tappeltus om akkano.

Timofei Jakow ja Kara Pedo tunnistasiwa na ommawa man olno, kui riid om akkano aga na ommawa mitte naino ehk Werru Belajew om Wikki Fritz löno.

Wikki Fritz salgas ta om mitte Weron Belajewega tappelno ja temma löno.

Weron Belajew salgas ta om mitte Wikki Fritzega säumano ja temme löno.

Moisteti. selle perrast ehk katte tunnistaja läbbi om selgest tehto ehk Wikki Fritz se Weron Belajew om löno wasta rinda ja pae paele peab temma wenne kirriko lave 2 R ja maakirriko ladiko 2 R hob strahw sisse massa

Wiki Fritz olles selle moistmesega mitte rahhol sai ta lubba suremba kohto man minda kaewama.

ümbermoistetu 1 R waste latsele 1 R kiriko ladiko