Ette tulli Jaan Pang ja kaibas, et karjusse ja nimmelt: Peter Hagiwangu poig Jaan ja Johann Harraku karjus Tanil Oinas ollewa temma wona mahha lönu ja wäitsega ärra tapnu ja nõudis 2 rubla kahjo tassomist.

Selle päle kutsuti Peter Hagiwangu poig ja Tanil Oinas kohtu ja loeti kaibus ette ja eddimanne ütles kül mahha lönu ollewat ja tõine es ütle middagi teedwat, kunna temma süüdlanne ei ollew.

Tunnistaja Jaan Pallo, Mihkli Blum ja Hendrik Kikkas andsiwa tunnistust, et mahha lömist nännu ja kui Oinas wäist werrest pühknu.

Kohtomõistus.

Peter Hagiwang massap omma poja eest 75 Kop. ja Johann Harrak omma karjusse eest 75 Kopkat ülle mõllembide 1 Rubla 50 Kop. Jaan Pangile wona eest.

Se kohtomõistus sai kohtonkäüijle kulutedus ja prg. 773 prg. 774Tal. säd. ram. 1860.a. ärra selletedus, mis oppust andwa suremba kohtonkäümissest ja kohtonkäüja jäiwa selle mõistmissega rahhul ja wimate sai neile prg. 881 perra se trükkito oppusse leht wälja antus.

Päkohtomees Peter Pedras

Kohtomees Hendrik Hallop

        "            Jaan Mikheim

Kirjotaja P. Haberland