Kuwes kohhos sel sammal päiwal 

Wanna Koiola mees Michel Pihho tulli ette ja kaibas Ado Plado pääle, et ollewa temma käest 10 Rubla 45 kop saada ja neüdas ütte tähte ette mes Ado Pladost olli wälja kirjotet kos pääle olli kirjotet 29 Rubla ja üttel weel 20 Rubla om temma minno naisele ärra masno kui minno kotton es olle, ja sis om 9 rubla selget wõlga ja 1 Rubla 45 teep Protsenti wälja. 

Kutsoti ette Ado Plado ja sai Michel Pihho kaibus ette loetus. Sis üttel Ado Plado tolle pääle, Michel Pihho om obis wõlsno, 10 Rubla anni minna tälle henda kotton kambren sissen, ja Temma naisele anni kui tedda koddon es olle 20 Rubla. Ülle kiige 30 Rubla, minna olle obis tassa ni et sugoki temmale wõlgo ei olle. 

Otsus   Kohhos mõist, kui Michel Pihho julgop suremban Kohton tood asja wandega kinnitada, sis peap Ado Plado 10 Rubla 45 kop temmale wälja masma, kui tood ei julgo sis jääp ilma. 

Sai kohto  Otsus nink § 773 j 774 kohton käiadelle ette loetus, ja Michel Pihho pallele Protokolli et lubbas häämelega tolle asja ülle wando mes kohhos ka lubbas anda. 

Pääkohtomees  Jaan Tullos  XXX

Kohtomees       Michel Wosso  XXX

     abbi   do   Jaan Loodus  XXX

Protokoll wälja anto sel 19 April 74