Üttesas kohhos sel sammal päiwal   

Mättisto maja perrisommanik Adam Raig tulli ja kaibas, et Kristin Wähk tulli sel 11 Decembril 1873 Mättisto maija, sis omma küssino, kas sinna jäät weel eentullewas aijastajas, omma wanna perremehhe manno tenistuse, woi mõtled kohhe muiale, tolle pääle üttelno, käerahha ei olle küll weel kostki wõet, ei tija toost middägi. 

Sis nakkano perrenaine Marri Raig tedda kauplema ja kaup länno kokko, Palgas ommawa lepno 10 Rubla rahha, 1 pund linno, 2 nakla Willo, üts kost, üts meiste hamme, ja emmale 1 wak Kartohwlit mahha, sis anno Marri Raig, Kristin nätten 1 Rubla käerahha temma emma kätte, selle et iks emma tollega rahho ei olle et temma latse ilma teedmada kaupa teewa. 

Kutsoti ette Kristin Wähk sai Adam Raig kaiibos ette loetos, sis üttel temma Kapstmarja päiwa õdango olli wäega pimme ja porrine, aida wõtti olli ärra kadono es sa puhtit rõiwit, selle perrast jäije minna minnemada. 

Sis küsse kohhos mes perrast sinna sis perran es lähha, tolle pääle es mõista ennamb middagi üttelda.

Kutsoti ette temma wanna perremees Jakop Uibo ja sai tolle käest küssitus mes perrast tütrik Kristin mitte ärra ei lähha kost temma om käerahha wõtno, sis ütles Jakop Uibo kos temma sis woip minnä temma wõt 1 nättal perrast minno käest ka käerahha ja ütles minna ei lähha sinna mitte, palka lepnowa ni samma paljo kui Adam Raigi mann. sai tütrik Kristin Wähk käest kussitus kas sinna olet Jakop Uibo käest ka käerahha wõtno, sis üttel temma, andse küll pool wäggisi.

Otsus   Selle et Kristin Wähk om katte perremehhe käest käerahha wõtno, arwas kohho hääs ja mõistse, et Kristin Wähk peap 1 näddal ütte Perremeest ja tõine nättal tõist perremeest tenma, ja et too wahhe ka mitte liig kawen ei olle. 

Sai kohto Otsus ja § 773-774 kohton käiadelle ette loetus, ja es ollewa kumbgi rahho ja pallelsiwa mõllemba Protokolli mes kohhos ka lubbas anda. 

Pääkohtomees Jaan Tullos  XXX

Kohtomees    Michel Wõsso  XXX

abbi   do        Jaan Loodus  XXX

Protokoll wälja anto sel 19dal Aprilil 1874

LS.