Ette tulli Soldat Jaan Habbe ja kaibas, et temma ollew omma welle Johann Habbele mitman kõrran rahha andno, ent nüüd ei tahtwat, selle et ei mälletawat andmisse kõrda, ni kui ...

1. Sest rahhast ollew wõtnu, mis täl Dietzmanni käen olno                                   18 R 50 Kop

2. eddimast kõrda Ostrowan wõtno                                                                        23 R  - 

3. Tõist              "                "                      nahha osta                                                 4 R 44 Kop

4. Kolmat          "                "                       Tarre palka                                              10 R -

5. Tootsi Johanni kätte jätnu hoida 25 rubla, säält wõtnu                                   12 R 50 Kop

6. Peep Hillepile saatno wiis rubla wõlgo, säält ärra                                               1 R -

7. Tarto minna teerahhas                                                                                                   30 Kop

8.   "           "      Tõinekõrd                                                                                            1 R

9. Zooro lännu wõtno nahha osta                                                                              2 R 20 Kop

10. Hendrik Kallasse käest mõtsa osta wõtse                                                           5 R

11. Põrsa osta wõtno                                                                                                     1 R

12. Dietzmanni käest palke wõtno, temma palga eest                                            4 R 50 Kop

13. Peep Sawwile olno krono tenistussen wõlgo antu, temma kottun hendale   1 R

14. Jakob Kallasse käen olno palk sissen, ent to tennu tööd tarre man             10 R 50 Kop

15. Dietzmanni mõtsast palke witu                                                                                   70 Kop

                                                                                                            Wõlla summa   95 R 17 Kop

Selle päle kutsuti Johann Habbe kohtu ja loeti eensaiswa wõlla nõudminne ette ja es ütle kül mitte ni paljo wõlgo ollewat, waid arwamisse ehk 60 Rubla.

Lepping

Enne kohtomõistmist leppisiwa wellitse henda wahhel selle wõlla nõudmisse perrast, sedda modi ärra, kellega mõllemba ka ütliwa rahho jäwat, ni et Johann massap omma welle Jaan Habbele 60 rubla ilm wastapandmatu ja kohtonkäümisseta ni pea kui tenip ja wõimalik kätte.

Sedda leppingut tunnistawa õiges ja kinnitawa

Päkohtomees Peter Pedras

Kohtomees Hendrik Hallop

Abbi  "          Peep Kitz

Kirjotaja P. Haberland