Ette tulli Jaan Mikson ja nõudis omma kalluski Peter Sawwi käest todda, talle antut leppingo perra kolme wakkala mõtsmaad taggasi, selleperrast, et kallusk ütte puhku tüllitawat.

Sellepäle kutsuti Peter Sawwi kohtu ja loeti eensaiswa kaibus ette ja temma wastut, et temma andwat sis kül to leppingo perra antut 3 wakkala mõtsmaad taggasi, kui temma källusk Jaan Mikson tälle andwat temma naise maja ja ma kätte, kui mitte sis jäwat lepping temma polest kindmas ja tülli ei ollew temma polest tulnu, waid Jaan Miksoni naise läbbi.

Kohtomõistus.

Kunna üts kõrd lepping tettu, mis ka Protokolli ramato sel 21. Junil 1874 No 3. al. ülles kirjotedo, sis jääp ka nüüd se tettu lepping kindmas.

Se kohtomõistus sai kohtonkäüijle kulutedus ja prg. 773, prg. 774 Tal. säd. ram. 1860.a. ärra selletedus, mis oppust andwa suremba kohtonkäumissest, ja Jaan Mikson es jä tolleperrast selle mõistmissega rahhul, et mis maad kätte es mõisteda, ent Peter Sawwi jäije rahhul ja wimate sai neile  prg. 881 perra se trükkito oppusse leht wälja antus.

Päkohtomees Peter Pedras

Kohtomees Hendrik Hallop

Abbi    "        Ado Reimann

Kirjotaja P. Haberland

Copia wälja kirjotet.