Ennitse Allatskiwwi moisa wallitsaja Siffzow kaibuse päle Kihhelkonna kohto man, et Laubi kõrtsimees Markus Liiw temma wori kes asju ka Tartu linna lätsiwa risnu om kats mössu laudu nink selle wahhel om üts kol rõiwa ja sabastega errakaddunu, mis est temma 15 rubla nöwwab - sai Koggokonna Kohhus käsk sedda asja üllekullelda nink moista.

Markus Liiw sai ette kutsutus. Temma üttel se kaibus selge wols om et temma middagi risnu ei olle, ne ülles antu 2 mössulaudu, mis tühja kolme jallalitse pengi olliwa nink moisa lawwast ja tömehhest tehtu ja woori hobbesest mahha kistu wõi temma körtsi sisse ent se kaddunu rõiwa kot mitte nännu, wehl wähhemb wõtnu om. Ne asja ei woinu rikkutu olla et temma kässi wori külge ei olle pandud.

Se päle saiwa worimehe Tõnnis Saul, Michel Kusik nink Abram Kallew ette kutsutu ning nemma tunnistasiwa kõik kolm et M. Liiw wõllaütlemene koggone õige om. Kui nemma omma wori Siffzowi kätte andnu, es nimmita Siffzow et üts kot rõiwa ning sabasteka pudus om nink andis worimehele, et asja kõik häste kätte oma andnu wehl napsirahha ning tennas. 

Koggokonna kohhus ei woi selle tunnistuse päle M. Liiwel südi panda.