Neljas kohhos sel sammal päiwal  

Karraskij Moisa perris herra kässo pääle tulli Mõtsawaht Jaan Uibo ja kaibas et Ehamarro Kõrtsimehhe sullase ommawa soon hakko kändno, ja sis Mõtsa pallama pandno, kos arwata 1 1/2 konni 2 wakkamaad om ärra kerbeno nink üttel weel, et peap kumbgi pois /30/ kolmkummend witsa löögiga trahwitus saama. Kui mitte sis lähwa Keiserliko Silla Kohto alla mõista. 

Kutsoti ette Mõllemba poisi nimmelt Johann Kõrda nink Jaan Wagga sai Mõtsawaht Jaan Uibo kaibus ette loetus tolle pääle ütles sullane Johann Kõrda minna ei olle mitte piibomees ei pruugiga mitte tikke henda taskon, Jaan Wagga wõt, kui meije söömaiga ollime sööno, omma piipo taskust wälja nink nakkas tubakat sisse topma, sis lätsin minna temma mant kaugemballe ütte teiste paika ja heidasin maggama muud ei tija minna ennamb middägi üttelda, kuis minna sis pean tood samma trahwi kandma kui mitte süüdlanne ei olle. 

Sai ka kohto poolt nüüd Jaan Wagga käest küssitus kas om ni õige kui Johann Kõrda om tunnistanno et ollet piipo säädma nakano. Wagga ütles om küll õige ennegi minno heng ei tija middägi woip olla et wast üts tik piboga wälja tulli ja mahha satte, päiw olli ka wäega kuum et essi hendast om pallama länno, tahhan agga hää meelega tood nimmitet trahwi kanda, kui Keiserlikko Silla Kohto alla langega, minna kaotan tolle läbbi omma tenistus ja palk, om küll wäega liig suur trahw säratse ilm teedmada süü eest tahhan agga ärra kanda. 

Otsus    Johann Kõrda tunnistuse perra et om piipo säädno, tedda pallama pandmisse tarbis, mõistis kohhos ka /30/ kolmkümmend witsa lööki Jaan Waggale päälegi ei lähha mõts mitte essi hendast mitte pallama.

Johann Kõrda säije kohto poolt priis arwato, selle et temma mitte ei olle üts pibo tõmbaja. 

Sai kohto Otsus nink § 773 ja 774 kohton käiadelle ette loetus ja olliwa kiik tollega rahho, Jaan Wagga saie sis samma ärra trahwitus perrast Otsuse kulotamist.-

                         (Alla kirri nago üllewälgi)