Leonhard Weidemann tullis kohto ette ja kaebas se kengsep Karl Wendelin ja tishler Heinrich Rosenfeld, ommawa temma essande majan Wobso linnan tulno, weggesi se maja uks ülles täino, ja maja tarren kos üts pilgard säisno lärmitsano ja säimano. Leonhard Weideman sössar ja täddi ommawa üksi koddo olno. Leonhard Weidemann om selle paele ka tarren tulno ja pallano et na mitte nenda wisi peawa lärmitsama, kui na aga mitte selle päle ommawa kulno, siis Leonhard om neil ütlino "sel om tarre uks minge welje; se tischler Rosenfeld om temma siis rinnust kinni wotno, pää paele löno, ja om temma pilgardi paele wiskano, mollemba omma temma siis weel armeto pessno, kige ennamb aga Rosenfeld.

Tislar Rosenfeld kohto ette kutsutud tunnistas küssimisse paele temma ja Wendelin ommawa Weidemanni majan läino pilgardi mengema, se tarre uks om mitte lukun olno, kui na säl ommawa akkano mengema, om Leonhard Weideman ka tarren tulno, ja ütleno kuis teije tohhite sia tulla, ja siis ta om se Wendelin mahha löno, ja siis Rosenfeld paele löno, Rosenfeld om temma wasta wotno ja kinni piddano.

Se kengsep Wendelin tunnistas ni samma.

Se tunnistus Nikolai Obram kohto ette kutsutud selletas sedda asja küssimisse paele nida: ta om kulno kui Leonhard Weideman om öigano "tulge abbiks" ta om man läino ja naino et Rosenfeld om Weidemanni paele olno ja temma paele löno, ja et Weidemanni paest om werd welja tulno, kuido wiis se tappeltus om akkano sedda ta ei tiab, aga sedda woib se Mulleri sell Mai selletama.

Moisteti: se Mülleri sell Mai kohto ette kutsuma, ja tedda üllekulda, ja siis erramoista.