Karraskij Koggokonna Kohhus, Jusal sel 27mal Septembril 1874.

 Tulli ette, Leesmetti, Kieli herra poole Maja rentnik, Kustav Jõggi, ja kaibas omma teise poole maja rentniko, Jaan Ilwes, pääle, neil olnu, aida Suwwe Nisso ütte tettu, ilma piri läbbi ajamatta.  nink pool om sedda maad, Kartohwlima, ja pool om Keswa Kõrs olnu, ja pool om sedda Nisso, puhhas nisso, ent teine pool om tuule Karane olnu, ja temma K: Jõggi, om sedda J: Ilves, jo üts päiw enne kutsnu, Nisso kokko pandma, sest et se willi olnu jo wanna walmis; nink J. Ilwes, ei olle lännu, nüüd om temma K: Jõggi lännu teisel päiwal Nisso nietma, sis om tulnu J. Ilwes, manu ja tahtnu Wikkatit käest ärra wõtta, ent temma K: Jõgi, ei olle andnu, sis üttelnu J. Ilwes mant ärra minnen, noh nieda pääle, perrast peap sinnost Sant saama.  Sis tulli tükki aja perrast, J. Ilwes, ka nietma, ja niedime seeni kui Nisso mahha sai niedetus, sis naksi minna kokko pannema ja temma es lasse  minn leije kärbiko ülles, temma tulli wiskas minno Kärbiko ärra ja panni omma Kärbiko assemelle, minna nakkassi nisso kokko kandma, ja temma tulli takkast, ja leije mulle pähha ni et minna mahha satte sis sõkse temma minno, Jalgoga Rindo pääle ni et minna nüüd pool sant olle, sis tulli minno Naine nisamma nisso üsja täwwega, ja tolle leije temma ni et hamba Suust maha lei, et werd olli kik kottosse täüs, sedda woip Serristo Moisa Kubjas, Jaak Hääl, tunnistada, se om sedda kik man nännu.

Sai ette kutsutus, se teise poole Maja rentnik Jaan Ilwes, nink se üllewal nimmetedu kaibus kik ette loetus, kes kik üttel wõlsi ollewat, ja päälegi, Kusta Jõggi ollewa tedda enne löönu, temmal ollewat õigus, sest Kusta Jõggi, ollewa Karast nisso mahha külwnu, ja temma nisso olnu puhhas ja ollewat nüüd ka puhhas. ja tema naine puresi mino päkka ärra. Sedda woip kohhus kaeda. 

Sai ette kutsutus Serristo Moisa Kubjas, Jaak Hääl, kes wälja ütles et, temma om olnu sääl lähhedal jõeweren Moisa Sullastega Aeddalat nietman ent orru sissen, ja Holli kuulnu, ni kui Soe aijaminne ent ei olle sest middagi arwo sanu, sis ollewa tükki aja perrast, Kusta Jõggi, alla lännu jõe weerde ja pallelnu Kubjast maele tulla sedda asja üllekaema, sis om Kubjas lännu, ja leidnu et, Kusta Jõggi Naine, olnu maan ja werrine nink maa pääl olnu ka werd, Sai weel Kubja kaest Kohto poolt küssitus mes temma arwas selle kakkelusse perrast, kes weel wälja ütles, se om tõtte mes minna olle üttelnu, ent mes ma weel ütle et Jaani poolt se tüli om tulnu sest temma om waega terraw mees.

Otsus   Koggokonna Kohhus es moista selle asja mann middagi moista ent annap Keisrliko Werro Maakohto moistmisse ehk otsusse andmisse alla, Sai Protokoll Kusta Jõggil walja antus sel 30,mal Septembril 1874.

                  Alla kirri