N 14. Waimela kogokonna kohton sel 24 Mail 1879. Koon olliwa: 

Pääkohtomees Jaan Wäiso

Kohtomees Peter Hauk

d-o Michel Jaaska

Tulliwa ette Wenne talo perris pidaja Samoel Rätt nink Michel Wars ja lepsewa niida: 

§1. Wenne tallo perris pidaja Samoel Rätt annap ommast perris tallust poole, se om: 8 taaldrid ja 56 1/2 krossi kiigest sest talo maast poole Michel Warssale kuwwes järestikus aastas rendi pääle, sest 23 Aprillist 1879. kunni 23 Aprilli 1885 aastani, ent edimane aasta jääs (neide mõlembide leppingu perra) proovi aastas, kunna peremees rentnikule kui ka rentnik peremehele, kui neide elu suguki kokko ei passi, 25 Julil peap üles ütlema. 

§2. Selle poole talu eest massap rentnik Michel Wars peremehele renti aastas sada rubla, ent niida wiisi,: edimätsel aastal massap rentnik terwe aasta nimitet rendi ette ärä, perantulewil aastail massap rentnik kattel tärminil renti, se om: 1 Aprillil 50 rubla nink 1 Octobril tõine pool renti 50 rubla. 

§3. Sest talust saap rentnik kiigest maast, mis põllus om tettu ehk ka weel tetto saap poole hendale, ent põllus tegemata mõtsmaast, ei ole rentnikul mitte ütsinda luba omma pääd ragoda ja pollus tetta, ennegi säält kost peremees tege saap tema ka poole hendale tetto nink põllus harida. Ent sist Wenne talu piirist wäljan olewast hainamaast mis 6 waka maad om, ei sa sugugi rentnik hendale. 

§4. Rentnik saap kiigest maja hoonist poole hendale, elu kambrest kui ka muist tarwilikest hoonist. Rükki wõttap rentnik 7 wakka külwi wasta, nink kui ärä lät tege rentnik 7me wakkamaa rükka maa hään korran ja õigel ajal kui ka õigest haritu oma pääle maha! Kui rentnik ärä lääp, olgo niisama paljo rüga olgi künnetu, kui nüüd maija wasto wõtten, wasta om wõtnu. 

§5. Kiigest walla talitamise, töö, keriku kui ka walla kindo käügi, ja walla massust mis enne Wenne talu pääle tulema, nii kui kiik tee säädmise (ent mitte maja ostmise punktis ette tulewa asja) kannap rentnik poole kulu ja teep poole tööd. 

§6. Rentnik saap puid ja hakku peremehe käest ragoda kost peremees seda näitap, nii paljo kui neile mõlembide elule tarwis lät, rago ja weda rentnik ilma tasumise nõudmata. 

§7. Linna wõip rentnik külwa, kos sellele kohtlane maa, 3 wakka lina seemnid maha kulwa. 

§8. Hoonid mis rentniku käen parandas ja kond hoolt kiige neide eest; parandas kattussid ja kui tarwis kat neid; nink aisu tege ja parandas rentnik poole kiigist maja aijust, ent peremees and aija puu ja saiba rentniule wedada ja ragoda, nii paljo kui tema hendale pruuk. 

§9. Rentnikul peap kiige sellewas ta raud waras olema 1 hobene nink 5 tõbrast, mis kiik hään kõrran olgo. 

§10. Rentnikul ei ole mitte luba majast wälja wija ega müwwa, hõlgi, hainu ja põhku.

Et nema mõlemba niida lepnu ja luppase kiik nii täüta, tunnistawa oma käe ala kirjotamisega