Sel 1 Webruaril 1888.

Selle otsuse päle sest 16 Nowembrist 1887 Jaan Pruksa kaibuse asjan messipuu lõhkumisse perrast olli Mihkel Rosenthal tullnu ja wastutas omma essa Jaan Rosenthali man ollen et tema Jaan Pruksa messi puud lõhknu ei olle, Johan Jansen wastutas nisama.

Mõtsawaht Peter Klaosen tunistas et tema karja pois Johan Janzen ollewat kõnnelnu, et temma Mihkel Rosenthali ja Jaan Märtiniga Jaan Pruksa messi puu ärra om lõhkunu.

Liis Komusaar tunistas nisamma kui Peter Klaosen ja et Mihkel Rosenthal ollewat Johan Janzenil käsknu seda messi puu lõhkumist ärra sallata.

Mõistetu: et ega karjapois 2 rubl selle messi puu lõhkumisse est kahjutassumist Jaan Pruksale ja 1 rubl trahwi waeste ladiko heas peawa massma, selle et nemma selle messi puu lõhkunu om, selleperra tulleb massa Mihkel Rosenthali, Kusta Märtini ja Jaan Jansenil se raha.

Se mõistus sai Jaan Pruksile kulutedo ja õpetus leht wälja antu. Sel 24 Oktobril 1888 sai mõistus Mihkel Rosenthali essa Jaanile § 773 ja 774 perra kulutedo ja õpetus leht wälja antu.

Päkohtumees Johan Link XXX

Kohtumees Johan Opman XXX

"  Johan Raswa  XXX

"  Jaan Hansen /allkiri/