Ette tulli Peter Udras nink kaiwas, et Hindrik Kikkas ei olle sedda wilja wõlga Magazi aita ärra masnu, mes temma minno Ramato päle om wõtnu se om 2 wakka Rükki 2 Zetwerti karu.

Hindrik Kikkas sai ette kutsutus nink Peter Utra kaibus ette loetus, mes päle temma wastust and, et Peter Udras es pea leppingut nink es anna poolt maad minnole pittam nink päle meil lepping olli tettu 6es aastas, nink olle nüüd ennegi üttes aastas sanu, tolle perrast ei olle minnole kostki wilja tagasi massa.

Peter Udras sai küssitus kas temma ka sest lainatu wiljast om jaggo sanu, mes päle Kaibaja nink Kaiwato om kostnu et mitte üts terra ei olle kaibaja sanu.

Mõistus

Kunna kül Peter Udras omma nimme päle om lasknu Hindrik Kikkal wilja lainata Magasist sis peap sis peap ka Hindrik Kikkas kui wilja lainaja nink wilja pruukja sedda tagasi masma katte näddali aja seen.
 

Mõistus sai kohtun käüjile ette loetus T.S. ramatust 1860 a. walja antu prg. 773 n. prg. 774 ärra selletedus nink wimate prg. 881 perra Hindrik Kikkas se trükkitu oppusse leht wälja antus.

Päkohtumees J. Hallop XXX

Abbi M. Jõggewa [allkiri]

  "     Peter Kall XXX

Kirjotaja J. Raudsepp