Eisri Tillondi Möldre tulli ette kaiwas omma pole wilja Rentnigo Jaan Kõrda päle, Röa teggemisse perrast et alwaste tettu. Juhhan Mandli olli jo ennitse kaibose perra neid röämaid ülle kaenu ja löidnu mõnne lohhe kottose kasson ollew nink om neid käsknu tõine kõrd korrata mes ka Jaan om paikate tennu. Kui nüüd Röa oliwa ärra tettu sis om ka tõse kohdomehhe ülle kaenu ja üttelnuwa keskmatse orrasse ollew. Et  möldre kaibap weel eddesi: Jaan om röa pakso külwnu. Jaan kostse selle päle: Möldre olli essi perramatse peotäweni man, nikui temma käskse minna külwse. kon ta arwemb käskse sääl arwem minna külwse; ja ei olle ka kohdomeeste ülle kaemisse perra orrase pakso  enge mõnnest kottalt arwa. Koggonna Kohhos  arwas ni: Kui möldre näggi et Jaan  mitte temma tahdmisse perra es külwa, sis wõtnu  rahha eest omma mele perralinne külwja, Jaan olles wõino  ja ka piddano sedda weitit kullo tassoma, ja nida ei woi koggonna kohhos middage mõista.

Tõine assi olli et aino om haina kuhja manno mäddanemma jäetu. Koggonna Kohdo ülle kaemisse perra arwati 10 puuda haino mes ärra om mänu. Arwati 5 Jaan Kõrda  kahjos 5 punna eest peap 2 näddali sissen möldrel 75 kopikut ärra masma.