Räppina moisa wallitsus andis Gerhard von Siverse herra kaebus kohto mostmise kätte ja selletas et Jamamoisa sullased Karl Rantkar ja Frits Kiudorw ommawa sel 29 Oktobre 28 wakka rükki Jamamoisa wallitsuse Schrödere polest katte sano, Rappina aidamehhele kette wija, ja na ommawa aidamehhele Jaan Ainsonile enne 27 wakka rukki kätte andno nida et üts wak om pudus olno.

Jamamoisa wallitsus kohto ette tulno wastotas küssimisse paele et ta 29 Oktobril Frits Kiudorwe ja Karl Rantkare om kätte andno Räppinan wija, 16 kottin 32 wakka rukkiga ja ütte kottiga 1 1/2 wakka, kokko arwatud 17 kotti 33 1/2 wakka rukkiga.

Sullased Frits Kiudorw ja Karl Rantkar kohto ette kutsutud tunnistawa et na ommawa sel 29 Oktobre wallitsuse Schröderi kaest 17 kottiga 33 1/2 wak rukki katte sano ja aidamehhele Ainsone kätte andno.

Aidamees Johann Ainson kussitud tunnistas ta on: sel 29 Oktobrre 33 1/2 wak rükki nimmitude sullaste kaest wasta wotno.

Selle perrast et kige nimmitude rahwuse welja ütlimine kokko käib ja mitte üts wahhel on, kohhus es woi selle kaebuse paele middake moista.