N 1. Waimela kogokonna kohus 29. Märtsil 1884

Man olliwa: Pääkohtomees Jaan Kuk

abikohtomees Peeter Pahl

d-o Johann Sulg

Ette tulliwa Lillosoni perijate wöörmünder Peeter Lilloson ja MIchel Sawwi nink teije henda wahel peran saiswat lepingut niida wiisi 

1. Peeter Lilloson annap perijate Wanatare majast ütte poole, see om 7 taaldrid 33 krossi kolmes järestikus aastas Michel Sawwi kätte rendi pääl, se om 23. Aprillist 1884 kuni 23. Aprillil 1887 aastani.

2. Michel Sawwi massap selle poole Wanatare maja renti 80 rubl. aastas, kättes tärminil, se om: I pool renti 40 rubl. 1. Aprillil ja II pool renti 40 rubl. 1. Oktobril ega aasta 

3. Maija wasta wõtten saap rentnik 4 wakamaad rükka, nink annap maija käest ära anden 4 1/2 wakamaad hään kõrran, õigel ajal haritud ja wäetud maapääl olewat õigel ajal tettud rükka käest ära. 

4. Rentnik wõip ega aasta 3 wakamaad linna süntsa lina maa pääle tetta, aga mitte kesa nurme. Kartohwlid wõip rentnik ega aasta 3 wakamaad maha panda. 1 1/2 wakamaad sittaga ning tõine 1 1/2 wakamaad ilma sittata.

5. Rentnik saap edimetsel aastal 1 wakamaa kõlbliku küttisse maad kõlbliku küttisse materialiga kost suuremba puu seast wälja saawa wõetus. 

6. Rentnikul ei ole luba kostki maja mõtsast midagi raguda. 

7. Rentnik wõttap maija wasta wõtten kõik rüga õle künnetult wasta ja annap niisama kõik rüga õle häste künnetult käest ära. 

8. Maja kattuste parandamine om rentniku hool nink peab seesama kõik nee hääs kõrran hoitma ja käest ära andma. Niisama om ka kõik maja aijade tegemine ja parandamine rentniku hool.

9. Rentnik peap kõik poole maja peale tulewa kroonu ja walla orjuse, kindu käimise ja tee säädmise ilma kuluta kandma, oma poole rendi kottusse walla massu masma. 

10. Rentnikul ei ole mitte luba majast hainu, õlgi põhku ehk ka haganid wälja anda, müwwa ehk lainata. 

11. Rentnik saap maija wasta wõtten 2 süld 3' piki rehe kütmise puid nink annap maija käest ära anden niisama palju käest ära. Muidu majan palutetaw tarwitus puu om rentniku oma hool. 

12. Rentnik peap ega aasta kõik kessa nurme sisen olewa kraawi sääduslikult wälja puhastama ja lõikama. 

13. Rentnik panep oma pääle wõetuide kohuste täitmiste kautsionis (panema) oma täit warandust mis kõik hään kõrran peap olema alati, nii kui 1 hobene 4 tõbrast ja 9 waka suwe wilja seemend.

14. Kui peas rendile andja ja rentniku wahel neide asju perast mis siin mitte kirjotet ei ole - waijelust tulema, sis saap see talu raha sääduse pohja pääl kõik õijindetus. 

Et rendile wõtja henda kõige säädusliku maja pidamise kohuse ala panep ja kõigilde süntsal ja sääduslikul seda pidada luppas kinnitab seda mõlemba oma käe ala kirjutamisega. 

Rendile andja Peeter Lilloson xxx perijate wöörmünder

Rendile wõtja: Michel Sawwi [allkiri]

Pääkohtomees J. Kuk [allkiri]

abikohtumees J Sulg [allkiri]

abikohtumees: P Paal [allkiri]

Kirjotaja J. Häuser [allkiri]