Astus ette Kolkja küllast Warwara Andrejewa Gurjanowa omma poia Terenti Kusmaga. Warwara kaiwas et temma omma poia man ellada ei woi et poig ja minni temmaga taplewa.

Terenti Kusma üttel et emma neist ei olle mitte peksetu ent emma om temma naist peksnu nink miks perrast emma ei olle jänu Tihanka küllan kus temma oma kaks astad päle essa surremist, kui warra jaotedus sai (Tihhanka küllan) ellanu. Se kautsioni rahha mis temma essalt perra olli jänu om Kreisrihtri kohto polt neile polest moistetu. Kui se rahha olli polest moistetu üttel emma poie wasta: "ehhitamise päle pruki kui sinna luppat minnu taggasi wotta ja minnu toita nikawa kui ma ellan." Poig lubbanu sedda, ku temma rahhulikult ellab, ja ni elliwa 5 asta üttes kos. Et neid ellokord ennamb kokko ei sünni, sai Koggokonno Kohto polt moistetu: se emma polt poiale jäetu 75 rubla jäb selle wie asta sötmise est nink peawa ennast nüt lahkuma, ent poig peab se weikene tubba emmale andma ellada kui temma sinna ellama tahhab jäia ent leiwa polt temmale ei olle middagi andmist.