Teiselt, tulli ette Allamusti Kõrtsimees, Kusta Lummi, ja kaibas et temmal ollewa Johan Uibo käest saada 3 Rubla 7 koppik Kõige selle asja ülle woiwat tunnistust anda 1, Kährist, Johan Kelt, 2, Kährist Peter Jõggewa, 3, Kährist Johan Seeba, 4, Jürri Teiler, ja 5, Peter Kahre. Kui waja om. 

Kutsuti ette Johan Uibo ja sai üllewal ülles antu Kaibus ette loetus. Kes selle pääle wälja ütles, minnol ei olle ennamb massa kui 2 rubla, ja too 1. rubla 7. koppik, mes Kõrtsimees minno Särgi pääle om andnu, kui temma Kähri poistel lask minno säljast mahha kisku todda maa ei massa. 

Tunnistada wõiwat, Johan Kelt, ja Johan Seeba. 

Kutsuti ette, Johan Kelt, kes küsimisse pääle  wälja ütles, et Johan Uibo essi om omma Särk säljast mahha tõmbanu, ja winu kõrtsimehe kätte, nink üttelnu weel, mina wõtta enne päiwa tõusmist wälja mul om Kottun weel 5. rubla selget rahha. 

Sai Johan Seeba ka ette kutsutus, kes nisamma wälja ütles kui Johan Kelt, nisamati ka ne teise kolm tunnistajat, kes kik ütliwa oige ollewat mes Johan Kelt om tunnistanu. 

Otsus  Kohhus, moistis tunnistusse ja Johan Uibo omma ütlemisse perra, et peap 8 päiwa perrast Kõrtsimehhe Kusta Lummi´l 3 rubla 7. koppik wälja massma, muido saap weel trahw mannu moistetus, et om tunnistuid ilma asjanda waiwanu,  

Sai kohtomoistminne ja § 773.n: 774. kohtonkäijatelle ette loetus, ent Johan Uibo, es olle rahhul, et arwas hendal liga tettu ollewat ja pallel Protokolli, mes kohhus es lubba anda. 

(Allakirri)