Ette tulli Jakob Kallas nink kaiwas et temal olli hendale tütrik leppitu ütte aasta päle tenistuste nink palk olli leppitu 15 Rubla rahha 1 Rbl. käerahha 1 Ln Linno 1 N Willo, ent nüüd om tütrik ärra lännu Jaanipäiwal 24 Junil s.a. nink nüüd pallep temma kogokonna kohhut sedda asja selletada.

Hell Wirm tulli ette ja sai kaibus ette loetus kuma päle tema wastut et aasta kaup es olle leppitu, enge päiwa päle nink palk a päiw 25. Nink Jakob Kallas om tedda ärra ajanu tolle perrast, et es jõwwa nida tööd tetta kui tahheti, nink tema om tedda sõimanu tolle päle om tema ka ärra tulnu, nink nüüd nõwwap tema 11 Rbl. 75 Cop. omma tenitut palka.

Et nüüd neide kaibusse asjan üttegi tunnistust es olle sis om kogokonna kohtu poolt

Mõistus

Kunna Hell Wirm Jakob Kallasse mant om ärra lännu ja aasta päle olli tenistuste leppiti sis massap Hell Wirm Jakob Kallasele aasta palk 15 Rbl. nink 1 Rbl. käerahha tagasi masma tolle perrast et Jakob Kallasse om sanu ellamise täht Laswa kogokonna walla wallitsusse käest nink Hell Wirm peap seda rahha ärra 10. Nowbr s.a. ärra masma.

Moistus sai kohtun kaujile ette loetus nink T.S. ramatust 1860 aastal wälja antu prg. 773 n. prg. 774 nink wimate prg. 881 perra apuse leht Hell Wirm wälja antus.

Päkohtumees J. Hallop XXX

Kohtumees M. Jõggewa [allkiri]

   "                P. Kall XXX

Copia VI Tartu Kihhelkonna kohtule wälja kirjutet sel 14. Sep. s.a.