Kohtowannemb ja nimmetud naumehhed piddasewa naw

1) walla kirjota ammete Jahnsonile kätte anda ja sai kohto wannimbile se woimus antud, sedda assja Jansoniga errakönnelda ja temmale 150 Rubla palka pakkuma, siis na piddasewa nau kohto maja ja kirjota üllespiddamise tarwis moisa perrisherrale palluma wallale üts tewwinlanne tallo maa müja, ni ligge kui woimalik moisast ja sai Peter Jagumann woimus sedda asjo perrast, moisa perrisherraga errakennelma ja leppitus tehha.

Palga perrast sai nau peetud.

Wölmöldre perrast na piddasewa nau et mitte ennamb kui 3 wölmeldrit nie wallitud saiwa ollewa ja saia igga küllan tallitaja mehhed ja käsko wijad wallitud.

Kohtowannemb ja naumehhed andsewa taeda et tedda wallale rikkadile ni ka waisile wäga rasse on ja kahjulik on et eddimene poijad sawa nekrutist erraantud, ja piddasewa na nau sedda kihhelkonna kohtome taedas anda ja allandlik palloma, sedda ka suremba kohtole taeda anda selle palwega et eddimene poijad eddespiddi nekruti loosimiest lahti saawa tehtud.