Ette tulli Mõisa mõtsawaht Otto Himma ja kaibas, et Hindrak Harrak ollew Mõisa mõtsast Dezembri kuu alustusen 8 kõiwa warastanu läbisegi 8 tolli jäme pikkust tema ei teedwat üles anda. Tema nõudwat kroonu taksi perra kahju tasumist. Wastut Hindrik Harrak et tema ei ollew mõisa mõtsast mitte ragonu, tema ollew Wõrro walla Hussari mõtsawahi Hindrik Jõgewa niidu päält lõiganu, selle lubaga. Wastut selle pääle Otto Himma, et tema ollew jälgi pidi wallawöörmündri Peter Pedrassega perra lännu ja maijas üles leidnu puu olnu enambelt ära lõigatu, hagu olnu perra jäänu mes puu ladwa olnu. Wallawöörmünder Peter Pedras 40 aastat wana Lutteri usku, tunnist, et ne puu, mes Haraka pool leitu ei ollew neidega kokko sündinu, mõtsast ollew jälle sinna poole lännu.

Otsus:

Otto Himma kaibust tühjas arwata, et awwaliku tunnistust ei ole.

See kohtu otsus sai kohtun käüjile täämbatsel päiwal kuulutedus prg.773 ja 774 Sääduse raamatust 1860 aastal ära selletedus.

Pääkohtumees J. Kubist [allkiri]

Kohtumees P. Sillaots [allkiri]

     "              P. Klais [allkiri]

Appellation Otto Himmale 5. Webr. 1886 wälja antu.