Ette tulli Wallawanemb A. Reimann ja and kaibuse Peter Uibu pääle, et see perremeest Jaan Kallast ei teenwat kõrda pidi, tema ollew Peter Uibu pääraha wõla perast teenma pandnu, et see pääraha wõlg 71 rubla 55 kop ära saas teenitus walla hääs ent nüüd ei püsiwat see suguki peremehe man ja minnew hulkma selle perast ei wõiwat teenitut palka perremehe käest selle wõla pääle nõuda et see ümbre hulgiss ja kurja tege, tema nõudwat et Peter Uibu trahwitus saas ja ka sunnitus taas peremeest teenma, et wõlg mastus saas. Wastut Peter Uibu kaibuse pääle et see wallemba kaibus õige ollew ja tema pallewat andis ja lubawat nakkata parembide teenma.

Otsus:

See kõrd palwust kuulda ja andis anda selle tingimisega, et kaibust enamb ei tohi tulla, wastalikul kõrral tema ihutrahwiga trahwitus saap, peap peremeest ausal wiisil teenma ja ilma selle lubata kohekile kolama minna.

Se kohtu otsus sai kohtun käüjile kuulutedus prg. 773 ja 774 Saaduse raamatust 1860 aastast ärra selletedus.

Pääkohtumees J. Kabist [allkiri]

Kohtumees P. Sillaots [allkiri]

Abiline Peter Udras XXX