Teine kohhos sel sammal päiwal Kohtomehhe 

Tiggase tallo perremees Jaan Undritz tulli ja kaibas ommi kaubeldo sullaste Johann Mandli ja Johann Mäggi pääle et ollewat neid hendale sullases wõtno ja käerahha andno ja nüüd pidinowa sel 25 Märtsil tenistuisi astma enge ei olle kumbgi tulno, tõise käest käerahha wõtnowa ja muigale ärra lännowa, nink ütles nüüd pean minna Maja pidamist mahha pandma kes mulle se kahjo massap, nõudis nüüd kumbgi sullase käest neide leppitut ajastaja palka nink nimmelt Johann Mandli käest 35 Rubla selget rahha 1 wak Kartohwlit mahha 10 punda haino ja Pearahha ja Johann Mäggi käest 15 Rubla ja Pearahha. 

Kutsoti ette mõllemba sullase Johann Mandli ja toise sullase assemel temma essa Jaak Mäggi selle et temma poig weel mitte täwwe ea sissen ei olle, olli temma essa Jaak temma assemel ja sai Jaan Undritz kaibus ette loetus, tolle pääle ütliwa mõllemba üttelt suult  Jaan Undritz naine Marri om ommale welle Tannil Wärs üttelno ärra tulgo minno ligidalle, egga minna terwe ei olle ei tija mes minnol wigga om, kui Jaan Undritz tahhap tolle eest wastodada et kui meie säratse tõbbega kinbatuiste saame meile 50 rubla massap ja weel moon pääle, sis tahhame tedda tenida. 

Otsus  Werro tohtre herra tunnistus-kirja pääle et Jaan Undritz ja temma naine Marri Prantsustõbbest obis puhta ommawa mõistis kohhos mõllemba sullase peawa warsti tenistuiste astma. 

Sai kohto  otsus nink § 773-774 kohton käiadelle ette loetus, ent Jaan Undritz es olle selle perrast rahho, et poisi wõiwa ka muigalt ni sugost tõbbe hendälle korjata ja wimate temma süüs nõnda, tõiselt et ollin omma maja ärra lubbano ja essi pean kõrwale jääma pallel Protokolli.  

Protokoll sel 9 April 75 wälja anto. 

Alla kirri nago üllewäl