Moisa wallitsuse polest kaibati et kärnär ümber hulkuja tüdrukuga om öse ajan ümber käinod ette sai kutsutus kärnär ja sai küssitu et mis perräst sa olled nida tenno wastas temmä et minna et teagi ja nida samma üttel ka tüdruk et temmä kärnäri ei tunnegi.

Tunnistaja Kustaw sai ette kutsutu ja küssitu et mis sa näggid tunnistas temmä et temmä om tahtno naisterahwast ommale pole patsirimä kisku ja naisterahwas om jälle moisa pole kiskno ja ei olle mitte temmägä Spatserimä länno ja et temmä om kärnäriga tüllin olnod ja et kärnär om teddä lönod.

Ja naiste rahwas tunnistas et temmä om ka too poisiga ajan klauben istnud.

Naiste rahwas üttel õkwa kohto peegli een et kohtomehhed Teije ollete ka nõnda samma suggused kui se lobba pois om.

Karli Narrosk tunnistas et temmä om nänno et se naiste rahwas om toa poisiga Apteiki poolt tulno ja parki länno.

Ja naisterahwas tunnistas ka et temmä om ösi kärnäri tarren olnod puhtossega agga mitte albusse perräst.

Moisteto om Naiste rahwal Dora Luidowil kärnäril toa poisil Gustaw Wikingil eggäl üttel 3 rubla höbbe selle süi eest trahwis waeste ladikus maksa.

Kärnär om 17 Julil 3 rubla masno, §773 om ette loeto.

Päkohtomees Rein Pabosk

Kohtomees Gustaw Norrosk

Kohtomees Josep Soeson