Härra andsi Koggokonna Kohdole teedmist se Kaarl Wõsso 30 Rubla Kaibusse perräst, on Kihhelkonna Kohdo läbbi Tunnitust nõutu, et Kokkogonna Kohhus ne Kats tunnistajat selgest perrä nõwwas, messemmä selle asjast tijawat, et nemma suuremba Kohdo een tunnistajas saas prugitus.

1 Kutsuti ette Pikka Mihgel Tullus, ja sai temmal selletut mes temma käest nõudus ja noomitu tõttest tunnistada mes temma tijäp.

2Küssiti: Kas temma tijäp  kuis Potratsikega om Maggatsi teggemisse Kondrat tettü.

wastutas tijän.

3 Küssiti: Kas temma tijäp et 30 Rubla Hõb om Potratsikul Käe Rahha antu.

Wastus tijän.

4 Küssiti: Kas om se Kondrat Koggokonna Kohdo palwe pääl tettü Koggokonna Kohdo een.

Wastus walla Wölmöldre om kõnnelnu Ihhamarro Kõrtsi man Potratsikkuga,  ja Potratsik om Küssini 1R 20 kop süld eest sis tullime Moisade Herrä manno, ja pallelsime et Härra wõtrtas Kontrat tettä selle töö pääl, et oddawambus saas. Sis sai se Kontrat tettus meije palwe pääl.

5 Küssiti kas sai wallal käsku antu, et Jurri päiwani Kiwwi peawä manno weetu ollema. Wastus: Käsk sai antus, ent es sa üts ainus Kiwwi et ma külmäs pea ärra.

6 Küssiti: Kas sai walla wölmöldre läbbi Potratsikkul kuulutus et se aasta ehhada ei sa. Wastus: walla wölmldre piddi minnnemma ja Potratsikul teedminne wijma.

7 Küssiti: Kas Härra om Koggo Kohdole Kulutanu et se 30 Rub om kaotside jäänü, et woiwa se ülle kaibama minna.

Mihgel Tullus tunnistap se om tõtte et Härra om kuulutanu, ent Koggokonna Kohhus ütles et Härra wõtku wimätsest Rahhast kinni piddadä kui töö om walmis.

Härra and wastust et mitmesuggutse töö ja rehnungi perräst es woi minna seddä tettä.

8 Küssiti: Kas Härra pand wasta et seddä kahju walla ladik peäs kandma, ja pakkus ma ja haggo et wilja sagiga se kahju kustuta.

Mihgel Tullus ütles seom õige Härra pakkus maad et se kahju walla ladikul ei peäs sama, ja sai ma wõetu se kahju tassomisses.

9 Küssiti Jaan Ahhi käst, tunnistap N.2. Tõtte Tunnistap. Küssiminne 3 tõtte ollewat. Tunnistap et N.4.om õige, ent ei mälleta kas se om tettü Koggokonna Kohdo een.

Tunnistap et N.5. küssiminne om tõtte.

Tunnistap Jaan Ahhi et 6. Küssiminne om õige et minna olle temmäl üttelnü.

Nummer 7. Küssimist om kuulnu, ent es olle ennämb ammetin olnu.

Nummer 8 Küssimist ei tijä, et ammetin es olle.

10. Küssiti Kas temma om Potratsi käest küssin Kas temma üts kõrd 30 Rubla wai kats kõrd om saanu, Potratsik om üttelnu minna sai kats kõrd 30 Rubla üts woor Maggatsi töö eest,  ja tõine kõrd Moisa töö pääl ja om mõllemba Kaotsin et olle Sullastel Käe rahhas andnu.

Mihgel Tullus xxx

Jaan Ahhi [allkiri]

Pääkohdomees Petre urbärg [allkiri]

Kohdo mees Jaan Mandli xxx

Kohdo mees Johhan Lukatz xxx