Karraskij koggokonna kohhus, Jusal sel 1,sel Augustil 1875.

                                                    Mann olliwa Eenistja, Jaan Tullus.

                                                       "          "     Mannistja, Jakob Uibo.

                                                       "          "              do      Michel Wõsso.

Tulli ette perriskrundi piddaja Liismitti, Johan Seeme, ja kaibas et Adam Kroon, ollewa kewwade omma tütre temma mannu, ütte aasta pääle teenistusse andnu, nink nimmelt selle palga pääle, se om 8, rubla kige käerahaga ja 1. naggel willo, nink om selle palga pääle andnu eesmalt, 1. rubla ni kui käe rahhas, (mes ka palga ette arwatas) ja teiselt 1. paar pool saapit mes 2 rubla 55. kop massiwa, se teep ütte kokko et om ärra massnu 3. rubla 55. kop. , nink nüüd wõttis tütre teenistussest ärra. -ja pallelkohhut sedda asja selletada.  Sest et nüüd om kige kibbedamb töö aeg. 

Kutsuti, ette Adam Kroon, ja sai se üllewal nimmitedu kaibus ette loetus, kes selle pääle wälja ütles, et tüttar ollewa temmale kaibanu, perremees ei ollewat üttegi tööga rahhul ja tõrrelewat ütte allati, ja teiselt ei saawat sööki ni kui waja, selle ollewa temma omma tütre ärra wõtnu, nink es lubbagi ennamb taggasi anda, palga perrast es olle middagi ütlemist se olli õige. 

Otsus  Kohhus moistis, et om ilma, et kohtule olles tütre süüdi kulutanu ärra wõtnu, peap tütre taggasi andma ja omma aig täüs laskma teenida, ehk kui ei anna taggasi, massap 10. rubla 55. kop. hõb. Johan Seeme´l katte näddali perrast wälja. 

Sai kohto moistminne ja § 773.n: 774. kohton käüjatele ette loetus, nink lätsiwa rahhun wälja.

 Protokoll wälja antu 7dal augustil 1875

  (LS)                                                  (Allkirri)