Teiselt tulli ette, Leesmitti Johan Seeme poole terramees Adam Kroon ja kaibas, et küll kohtomeeste poolt om katskõrd saanu Johan Seeme´l ütteldus, Johan Seeme ei teggewat reht mitte tühjas ommist linnadest mes jo mitto aigo rehhen saiswa, nink temma (A Kr.) ei saawat mitte reht pessa, et leiba ja rükkij seemend tullep tarwis. -

Kutsuti ette Johan Seeme, ja sai üllewal nimmetedu kaibus ette loetus, kes selle pääle wälja ütles, et es sa küll, Adam Kroon lubbas abbi anda, nink es an(n)a ka mitte, ja wõttis päälegi omma tütre kes olli minno mannu tenistuste aijastaja pääle leppitu, tenistussest ärra, nink ni eddasi.- 

Otsus  Kohhus moistis selle et Johan Seeme ei olle käsku kuulnu ja ei olle reht tühjas tennu, massap temma 1 rubla waeste laati trahwi mes 8 päiwa sissen peap ärra massetu ollema, ent abbi assi ei puttu kohtule middagi, se om temma omma murre ennegi käsku peap kuulma. - ja sai weel kohto poolt  se kõwwa käsk antus, et eespäiwas, se om 4mas augustil s.a. olgo rehhi tühjas tettu, kui ei tee, massap pääle tolle egga päiwa est 1. rubla trahwi. - Sai kohtomoistminne ette loetus, nink lätsiwa rahhun wälja.-

 (LS)   Protokoll wälja antu sel 7dal aug. 1875 (Allkirri)