Neljandalt, tulli ette wallawannemb Johan Ratnik ja kaibas, et temma Säädusse perra ärra leppitu Aijastajalinne tütrik Ann Kanzler ollewa omma tenistus poolele jätnu, nink ollewa ilma sonnalausumatta ja lubbata ärra lännu ja palel kohhut sedda asja selletada.

Kutsuti ette tütrik Ann Kanzler ja sai üllewal nimmetedu kaibus ette loetus kes selle pääle ütles et perremees ei olle üttegi tööga rahhul ja ei saawat sedda sööki mes temma tahhap, nink temma ollewat rassedat ja ei jõüdwat nii paljo tööd tetta, kui tahtminne om. 

Otsus   Kohhus moistis et tütrik Ann Kanzler peap omma perremehhe manu taggasi minnema ja illusaste sõnna kuulma ja jõüdu mööda tööd teggema, ent kui ärra lähhab, mes perremees ka es keela mitte, ent tenitu aja tenimisse  est ei tohhi middagi nõüda. - 

Sai kohtomoistminne ja § 773.n:774n kohtonkäüjatele ette loetus, nink lätsiwa rahhun wälja. -

                                       (Allkirri)