Sel 30 Mail 1888.

Kaibas Ann Montag selle Johan Klaoseni man ollen, et Jaan Märtin, kes ärra surno jänu temale 6 rubl 50 kop raha wõlgu ja pallus, et raha selle perra jänu warrandusest temale wälja massetu saas ja tõiselt ollnud temal selle leskja Liis Märtina käest 1 wakk Kartoflit sada ja pallus, et kohus seda massma sunis.

Jaan Märtina lesk Liis Märtin wastutas selle päle  Mihkel Kromani man ollen, et temadmise perra Ann Montagil raha sada ei olle ja et se kartofli wak sada om, keda kaibaja ega kõrd kätte sada wõib.

Nisamma ütles ka Jaan Märtini täis ealine poeg Jaan.

Se Jaan Märtin om sügise 1886 astal surno ja tema perranduse perrast om kohtu poolt wälja pantu proklam ärra käinu, selle aija sehen ei olle Ann Montag omma nõudmist ülles andno.

Kohtumees Johan Raswa tunistas, et kui Jaan Märtin ellanu ollewat se temale kõnnelnu, et tema, Märtin, ka muist raha omma sõssara käest om lainanu, se om sesamma Ann Montag.

Mõistetu: et Jaan Martini lesk  Liis Märtin pool sest rahast se om 3 rubl 25 kop 8 päiwa sehen Ann Montagile ärra massma ja se wakk kartoflit ärra andma peab.

Se mõistus sai  § 773 ja 774 perra kulutedo ja õpetus leht wälja antu. 

Päkohtumees: Johan Link XXX

Kohtumees:   Jaan Hansen /allkiri/

"  Johan Raswa XXX

"  Johan Kliim XXX