Karraskij Koggokonna Kohhus Jusal sel 8mal Augustil 1875.

                                      Mann olliwa  Eenistja, Jaan Tullus.

                                           "       "      Mannistja, Michel Wõsso.

                                           "      "         Abbi      ,  Jaan Loodus.

Tulli ette Walge moisa rentnik Johan Raig ja kaibas et Jusa Jakob Uibo, ollewa perris Herral kaibanu et nemma ollewat Walge moisast ellaja sööta müünuwa, ja pallel kohhot, et kohhus lasses Jakob Uibo sedda asja tõttes tetta, kas meije olleme müünu, ent waisille häddalistele olleme küll lainanu kellest jo ossast om taggasi massetu nink saap ka kik taggasi masstus, ent temma om meije auwo wäega Herrat wasta wähhandanu. 

Kutsuti ette Jusa Jakob Uibo ja sai üllewal nimmetedu kaibus ette loetus, kes selle pääle ütles et temma mitte perris Herral ei olle kaibanu, ent siski andis ülles, kes temmal omma üttelnu et ollewa Walge moisast ellaja sööta sanuwa, kas rahha est woi lainusses sedda minna ei tija.

1,malt ütles Jakob Uibo, temma tulnu Tartust kos Kutsari Johan Troon temmal tee pääl kõnnelnu, et minna tõije Kiomast 1/2 toopi wiina ja lätsi Walge moisa anni mõllembille rentnikuile ja saije selle est ülle mõllembidde 1 koorma pikki õllgi

2,selt ütles, minno omma koddapoolik, Liis Wõsso pallel minno kaest, enne Talwiste pühha, too pool päiwal hobbest, ja läts Walge moisa, teije 1. koorma pikki õlgi, kos minna essi omma silmiga näije, ja minno Maija toodi. 

3,dalt ütles, Jakob Uibo, et Jaan Läwwi temmal kõnnelnu, et minna küsse wanna Liso käest kos sinno poig Jaan läts, kos Liis Wõsso tem(m)al (Jaan Läwwi) üttelnu, Walgelle läts õlgi tooma, nink om ka perrast õllgiga koddo tulnu sedda näije minna essi.  nink,

4,dalt ütles, Jakob Uibo, et Johan Warri, poig tulli minno poole gganit otsma, ja ütles ilma minno küssimatta, et seo kotti sissest puisteti aggana wälja, mes Walge moisast toodi, säält olliwa 2. kotti agganit, ja 3 kotti puddi õlgi saanu. 

1,malt kutsuti ette Johan Troon, kes wälja ütles, et temma ollewa Johan Raig käest 5. kubbo, ja Johan Mandli käest ka 5 kubbo pikki õlgi lainanu, nink ollewat ka sel 5mal Augustil s. a. omma sullase, Tannil Holsti läbbi ärra massnu. 

2, selt Kutsuti ette koddapoolik Liis Wõsso, ja sai küssitus, kes wälja ütles, et temma ollewa Johan Raig kaest hendal lainus pallelnu, ja sanu ka 5. kubbo agga praegu weel massmatta, ütles kui Rehhe pessa sis massa ärra. 

3,malt Kutsuti ette Jaan Läwwi, ja sai küssitus, kes wälja ütles, temma ei tija middägi üttelda ei olle ka üttelnu ei ka nännu, kes om Walgelt woi Warbult, minna olli toll kõrral õekwa sannan. 

4,dalt Kutsuti ette Johan´i poig Jaan Warri, ja sai küssitus, kes wälja ütles, et temma ei ollewat Walge moisat suu sisse wõtnu, ei ollewat ka säält middagi saanu, ei ka toonu, ennegi, Tiggase Jaani kaest ja Liis Uibo käest olle sanu ja toonu. 

Otsus  Kohhus arwas sedda asja tühjas, eesmalt selle perrast, jääp Jakob Uibo, ilma trahwita, et se olli õigus et temma piddi säärast asja ülles kuulutama, agga sedda temma es tija kas olli lainatu wõi müüdu.  nink teiselt jääp Johan Raig, ja Johan Mandli ka ilma trahwita, et es woi keaki tõttes tetta et olles müüdu olnu, ja lainamisse perrast ei saisa kontraktin middagi kirjotedu. Sai kohtomoistminne ja § 773.n: 774. kohtokäüjatele ette loetus, ent Moisawallitsusse assemnik Mõtsawaht Jaan Uibo es olle sellega rahhul, et arwas Herral liiga tettu ollewat nink pallel Protokolli mes Kohhus ka lubbas anda.

 (L S). Protokol walja antu sel 13mal augustil 1875.

                                                    (Allkirri)