Sel 6 Junil 1888

Kaibas Jaan Luik Kurrista wallast, et tema poeg minewa suwel Mihkel Iwani jures karjan käinu ja ollewat 2½ waka keswi ja ½ wakka rükki seda palka sada ja pallus et Kohus seda massma sunis. Päle selle ollewat 2 hobuse päiwa kaubeltu, ent Mihkel Iwan ei olle hobust andno, ½ sülda puid andno temma Mihkel Iwanile, mis 1 rubl massab, se om samata ja tema poeg pidanu omma rõiwa ärra ja lubatu rõiwa assemele tehha ent ei olle tehtut ja pallus et kohus seda massma sunis.

Mihkel Iwan wastutas, et se palk kül massmada om, ent pois ollnu karjan holetu ni et lehm kinni aetu sanu, kohe tema 1 rubl massnu ja lasknu wilja ärra söta ni ete tyma nüid 3 wakka rükki ja 60 kop raha kihelkonna kohtu mõistmise perra Kurre Petrile Krimani massma peab, selleperrast ei wõi tema seda palka massam

Hobuse päiwi ei olle tema lubanu. Need puud ollewat Jaan Link essi ilma andno, selle et selle poeg rõiwastega ärra lännu sis lasknu tema sullane Kusta Silm rõiwastele perra sis pandno Luik rattaste redeli täis puid ja satnu tema kätte. Karja pois ollewat allati tema rõiwit pidanu ja tema ei olle rõiwit teha lubanu. Mihkel Iwan nõudis 2 rubla põrsa est, mis kaibaja tema käest sanu.

Jaan Luik ütles, et põrsat om tema sanu 70 kop tük ja tõine põrs lõpnu warsti ärra, mis kinkitu ollnu.

 Jaan Luik ütles, et Mihkel Kroman wõiwat kõigen asjan tunistust anda, ent Mihkel Kroman om praegu Mihkel Iwaniga kohtu all, selleperrast ei kõlba tunistajas. Ja päle selle ütles Jaan Luik, et ziad ollewat se kahju tennu, mis massa om, ja tema poeg ollnu ellaja karjas ja lehm lännu kül tema est nideto niidi päle, kost kinni aeto, ent kinni aijaja perremees es lubanu midagi selle est wõtta, ent Mihkel Iwan nakkanu seda sõimama ja ei olle lehmale perra lännu ja ei olle ka teda perra lasknu ni et lehm teine nädal kinni ollnu sis om 1 rubl selle est wõetu.

Otsus: et Kusta Silm ette om kutsuta.

Päkohtumees: Johan Link XXX

Kohtumees: Jürri Kärn XXX

"  Johan Opman XXX

"  Jaan Hansen /allkiri/