Kolmandalt tulli ette pallo Mõtsawaht Jaan Uibo ja kaibas et Üllege karjose Peter poig Jaan Likker kes õkwa omma karjaga om noide koritusde kõiwe mann olno mes ärra ollewa kisto 20 tükki ülle kige 14 kõiwo obis ärra koorito ja 6 tükki poolest sadik kos mõtsawaht Hindrik Tuhhand pääle tulno sis nakkano karja pois Jaan Likker pakko minnema ja üttel tõise karjose olliwa ka sääl ei mitte wäega kaugel nink nimmelt Kusta Kuhhi ja Jaan Pokkatz. 

Sai ette kutsotus Jaan Likker ja temma wöölmünder Peter Likker ja Mõtsawaht kaibus ette loetus tolle pääle ütles Jaan Likker minna ei olle mitte koorno ei olle ka nänno et tõise keäki koorno ommawa es olle ka wästki kellega minna sis pidi koorma. -

Tõine karjos Kusta Kuhhi ja temma wöölmünder Ann Jaus sai ette kutsotus ja Mõtsawahhi kaibus ette loetus kes ni samma ütles kui Jaan Likkerki. - 

Kolmas karjos Jaan Pokkatz ja temma wöölmünder Liis Warjen ja sai se üllewanne kaibus ette loetus kes selle pääle ütles minna ei olle üttegi kõiwo koorno ei olle ka nännu et tõise poisi ommawa koorno sedda kurja ei olle meie küll mitte tenno. -

Otsus   Kohhos mõistis sedda kaibust tühjas selle perrast et mitte keaki nänno ei olle et poisi wistist koorno ommawa, päälegi ei sa mitte wäikestest lastest ni suure kurja teggijat. - 

Sai kohto otsus nink § 773-774 ette loetus, lätsiwa rahhon kõik wälja. -

                                         (Allakirri)