Räppinä moisa wallitsusse polest kaibati kohto een et Meeksi tuliweski mölder Juhann Mällo om Oppetaja heräl puid widdäno, ja om ilma moisa tähhe ja mõtsa wahhi lubba lubbata Räppinä Kalsa mõtsast 1 süld köstre puid ärrä widdäno, mis Kostre sullane Karl tee päält kindi om wõtno, ja päle selle om säält Räppinä moisa mõtsast kõrgest puid mahha raggoto.

Juhhan Mällo üttel et temmä om wõras inniminne olno ja ei olle teedno sest asjast ja om koggematta olno. Ja üttel et puid temmä jalla päält middägi ei olle raggono

Köstre sullane Karl Orraw tunnistas et temmä om nänno kannod kust kused om mahha raggoto olno agga ei tea kes om raggono.

Mõtsa waht mõtsa Essänd Heinrich Sengelman tunnistas seddä selgeste teedwä et neo kuse puud sel sammal päiwäl raggoto om kui Juhhan Mällo neid köstre puid om ärrä wino.

Moisa wallitsusse nõudminne om puide widdajäl 3 Rubla trahwi ehk 2 päiwä törmä panda.

Kohhus mõistis, et Johann Mällo ülle sädusse mõtsast walmis raggoto köstre puid om Oppetajal tonod peab temmä 48 tundi törmän ollema trahwis.

§773 om ette kulutedo

Päkohtomees Jaan Holsting

Kohtomees Kristian Wössoberg

Kohtomees Paap Kress

Kohtomees Hindrik Toding