Lihhunik Maksim Risikow Wõbsost tulli kohto ette ja kaibas, et Wõbsost, Jaan Teppo, om temmä päle moisan perris herräle kaibano ja rahwale teotano et Maksim om löpnussi Lehmi tapno.

Jaan Teppo käest sai küssitu üttel temma et tö om jo õige, ja minna issi ollin temmägä ütten tapman ree päält kissime lehmä mahha ja wõttime Nahhä ärrä ja pannime lihha Aitta ja se om olno minnewäl aastajal selle aigo ja hoopis lõpno Lambal om nahha mahha wõtnod Jaan Teppo Adam Selligä ka om olno 1869 aastal jani päiwä aigo, ja lihha om nemmäd tobri sissi pandno ja säält om Maksim ärrä münod Suppi Miskäle ja Kaddaja Mikkule Lammas om mäddägä koon olno

Moisa wallitsus Neissar tunnistas et Jaan Teppo om kaibano perris Herräle et Maksim om lõpno ja wiggalisse Lehmi tapno ja lihha münod selle päle om perris Herrä Neissari kaema saatno ja Moisa wallitsus Neisar ei olle sel körral middägi lihha leidno enge mõnni illus elläjäs om weel ilma tapmatta olno.

Tunnistaja Adam Selli ja Kaddaja Mikko perräst jääs polele 4 Webroarini.

Jaan Teppo ei olle selle perräst mitte ennembä üttelno, et Maksim om lubbano Teppol maksa seddä üttel Teppo issi siin kohto een.

Pä kohtomees Jaan Holsting

Kohtomees Jakob Türkson

Kohtomees Kristian Wössoberg

Kohtomees Paap Kress

Kohtomees Hindrik Toding