Teiselt tulli ette Tiggase maja perrisommanik Jaan Undritz ja kaibas omma poole terra perremees Adam Maggi ollewa ülle kontrakti temma rügga ärra põimno ja päälegi haljalt nink nõudis tolle eest kahjo tassomist (6) kuus wakka rükki et om enne aiga ärra põimno. -

Kutsoti ette Adam Mäggi ja sai üllewanne kaibus ette loetus kes selle pääle ütles rükki olli walmis mes kohtomees Jaan Tullos om ülle kaeno olli meil leppito kiik pooles wõtta mes üssigi Tiggase maa pääl peas ollema ni samma ka kiik aijamaa temma temma teggi kontrakt weel pääle tõwwo teggemisse ja pand minno nimme kontrakti sisse ilma et minna toost olles middägi teedno ei olle minna omma nimme ka mitte sinna alla pandno mes temma sisse om kirjotanno ei sünni sukkogi meie suusõnna leppingoga ütte ülle ültsa om temma minno essaga kaupa tenno enge minno nimmi sinnä sisse pandno kontrakti es anna temma ka mitte minno kätte, enge minna leisin saina lahkme wahhelt. -

Otsus  Kohhus moistis, sest et tun(n)istaja Michel Leis, Warbus moisast katte kõrra kutsumisse pääle ei olle ka mitte tulnu, peap haige ollema, selle sin(n)atse Kog. Kohto Otsusse pääle sest 1. Augustist s.a.Protokoll No 51. Et olli kohto küssimisse pääle kontrakt ette näidata, kontrakti perra, et Adam ja Kusta Mäggi peawa rahhu jäma, ni se rükki ka rahhu jätma selle et om ülle kontrakti lännu, ni jääp ka om(m)a poimmisse waiwast ilma et om ülle keelu ten(n)u, ja J. Undritz peap ka kohtomehe J. Tullus üllekaemisse perra rahhu jäma. 

Sai kohtomoistmine ja § 773.-774. ette loetus, ent Adam Mäggi pallel Protokolli, lubbati anda.

 (LS)  Wälja antu sel nel Octobr 1875.

                                    ( Alla kirri nago üllewalgi)