Peep Otsing Tolamalt perrisma piddäjä kaibas kohto een, et temmä mötsast Tolamalt om 7 noort Tamme puud ärrä warrastedo nee painetusse puu jämmused, ja temmä om kätte sanod Räppinä mõisamann Räppinä mehhe Gustaw Kristowaski käest.

Gustaw Kristowaski Räppinä wallan sullane sai küssitu üttel temmä, et temmä om omma perremehhe maa päält raggono Räppinä tallo poia mõtsast ja om tahtno regge tahtno tettä laske, selle perräst om temmä läbbi Räppinä Raiglahe tahtno mindä.

Peter Mälton Tolama kohtomees tunnistas et Räppinä pole päält olli 1 wärskest raggoto teised olliwad wannad kannod, Tolama mehhe Peep Otsingi maa päält olli kül wärskest raggoto ni et hobbesega wõis widdädä, ja olli ka wanno kande raggoto.

Ni samma tunnist Gustaw Zupson Räppinä mees ja üttel seddä ennegi et Räppinä maa pääl om 2 warsket kando olno.

Gustaw Kristowask awwaldas ärrä, et temmä om neo Tammed raggono Tolama mehhe Peep Otsingi mõtsast.

Peep Otsing om Gustaw Kristowaskiga ärrä lepnp essi hendä wahhel.

Pä kohtomees Jaan Holsting

Kohtomees Kristian Wössoberg

Kohtomees Jakob Türkson

Kohtomees Hindrik Toding