Räppinä moisa wallitsusse polest kaibati, et Räppinä wallast perris maa piddäjä Hindrik Rämmäsk om Räppinä moisa Mäggiotsa mõtsast ütte kanno ärrä raggono mis 2 süld pik om olno.

Mötsawaht Hindrik Timmat ja Räppinä pä kohtomees Jaan Holsting om seddä asja ülle kaeno ja tunnistiwa seddä õige ollewas, kus mann ka Meeksi mötsawaht Jakob Keermann om olno

Hindrik Rämmäski käest sai küssitu üttel temmä et temmä om tonod seddä kando ärrä.

Meeksi mötsawaht Jakob Keerman üttel, et temmä om Hindriku kutsmisse perrä ütten kohtomehhegä Räppinä mötsa länno; Ja selle perräst ei olle nemmäd Räppinä mõtsa wahti ütten sano kutsu et se öddago ilda om jo olno ja aig ennämb ei olle kandno. Kand olno perremehhel ärrä prugitu olno. Mötsawaht üttel 18 tolli kand paks olno kohto mees üttel 2 wassa mõõtno kanno paksust.

Kohhus möistis, et Hindrik Rämmäsk peab moisale pu kanno eest 50 kop maksma ja waeste ladikus trahwi 1 Rubla maksma; täemba peab masseto ollema.

Pä kohtomees Jaan Holsting

Kohtomees Paap Kress

Kohtomees Writs Solnask

Rahha om masseto 1 1/2 R