Krootuse: Karaski valla kohtuistungite protokollid (1875-1881)
| Leidandmed | EAA.1143.1.4 |
|---|---|
| Kaader |  16  17 |
| Daatum | 03.10.1875 |
| Protokolli number | 75 |
| Protokolli teema | 5. Kahjutasu |
Kolmandalt tulli ette Rudolph Grünberg ja kaibas et temma om kaiwo sis puhhastanno kui om tarbis olno nink joba 5 ajastaiga Pikka tallo kaiwost wett wõtno ja nüüd om rentnik Jaan Mark eesmalt üts puu pang temma tütriko käest ärra wõtno ja kui R. Grünberg essi länno ütskord keedi wett otsma om Jaan Mark tulno rehhealt kaiwo manno ja kirwes käen nink Grünbergi raud pang mitme tubli kirwe hobiga katski lööno, et küll weel wett sissen ei olle olno ei olle ka mitte keelno sest kui temma minno olles keelno egga minna sis ei olles wett wäggisi püüdno ja ütles weel olli minna ilma pangita ja es sa ennamb kellegi wett tuwwa kui kohtomees Jaan Tullos käskse täll puu pangi kätte anda ja minno omma pois Michel Ilda perra saadsin kos temma mitte kohto mehhe kasko es kuule ja mulle pangi ärra es anna. -
Kutsoti ette Jaan Mark ja sai R. Grünberg kaibus ette loetus tolle pääle ütles temma egga minna kirwega temma pangi katski es löö enge sõksin jalla all sure rüselemissega katski tõiselt utles olle minna keelno et ennamb wett ei tohhi wija mes temma sis tullep wett otsma kui minna ärra keelno olle sis ei tohhi ka mitte wiga. -
Otsus Kohhos mõistis selle et omma lubbaga tohhip tõise pangi katski lüwwa ja päälegi ütte terra ristaga ilma et kohot om appi pallelno massap Jaan Mark raud pangi katski löömisse eest 1 rubla 80 kop Grünberg ja 1 rubla waeste laati trahwi, nink et ei olle kohtomehhe kasko kulno kui temmal kästo puu pang kätte anda ja ei olle andno massap ka 1 rubla waeste laati se om ülle kige 2 rubla waeste laati ja 180 kop Grunbergile mes kiik kattesa päiwa sissen peap ärra masto ollema ehk kui toop üts wärwit raud pang kellega Grünberg woip rahho olla sis jääp se jaggu rahha mahha.
Sai kohto Otsus ja § 773 ja 774 kohton kaiadelle ette loetus ent Jaan Mark es olle rahho et arwas hendal liiga tetto ollewat pallel Protokolli mes kohhos es lubba anda.
(LS) Keiserliko Kihhel. kohto kässu päle sest 7- l Octobr 75, No 4567. ärra kirri Kohto sel 24nel Octobril 75. arra saadetu
(Allakirri nago üllewal)
Kolmandalt tulli ette Rudolph Grünberg ja kaibas et temma om kaiwo sis puhhastanno kui om tarbis olno nink joba 5 ajastaiga Pikka tallo kaiwost wett wõtno ja nüüd om rentnik Jaan Mark eesmalt üts puu pang temma tütriko käest ärra wõtno ja kui R. Grünberg essi länno ütskord keedi wett otsma om Jaan Mark tulno rehhealt kaiwo manno ja kirwes käen nink Grünbergi raud pang mitme tubli kirwe hobiga katski lööno, et küll weel wett sissen ei olle olno ei olle ka mitte keelno sest kui temma minno olles keelno egga minna sis ei olles wett wäggisi püüdno ja ütles weel olli minna ilma pangita ja es sa ennamb kellegi wett tuwwa kui kohtomees Jaan Tullos käskse täll puu pangi kätte anda ja minno omma pois Michel Ilda perra saadsin kos temma mitte kohto mehhe kasko es kuule ja mulle pangi ärra es anna. -
Kutsoti ette Jaan Mark ja sai R. Grünberg kaibus ette loetus tolle pääle ütles temma egga minna kirwega temma pangi katski es löö enge sõksin jalla all sure rüselemissega katski tõiselt utles olle minna keelno et ennamb wett ei tohhi wija mes temma sis tullep wett otsma kui minna ärra keelno olle sis ei tohhi ka mitte wiga. -
Otsus Kohhos mõistis selle et omma lubbaga tohhip tõise pangi katski lüwwa ja päälegi ütte terra ristaga ilma et kohot om appi pallelno massap Jaan Mark raud pangi katski löömisse eest 1 rubla 80 kop Grünberg ja 1 rubla waeste laati trahwi, nink et ei olle kohtomehhe kasko kulno kui temmal kästo puu pang kätte anda ja ei olle andno massap ka 1 rubla waeste laati se om ülle kige 2 rubla waeste laati ja 180 kop Grunbergile mes kiik kattesa päiwa sissen peap ärra masto ollema ehk kui toop üts wärwit raud pang kellega Grünberg woip rahho olla sis jääp se jaggu rahha mahha.
Sai kohto Otsus ja § 773 ja 774 kohton kaiadelle ette loetus ent Jaan Mark es olle rahho et arwas hendal liiga tetto ollewat pallel Protokolli mes kohhos es lubba anda.
(LS) Keiserliko Kihhel. kohto kässu päle sest 7- l Octobr 75, No 4567. ärra kirri Kohto sel 24nel Octobril 75. arra saadetu
(Allakirri nago üllewal)