Kuwendalt tulli ette mõtsawaht Jaan Uibo ja kaibas et Kokkeri perremees Jaan Wõsso ollewa pollo mõtsast 6 kuiwa peddajat warrastanno mes tolli perra 46 tolli wälja teep nink nõudis perris herra kässo pääle 10 kop egga tolli päält se om 4 rubla 60 kop. -

Kutsoti ette Kokkeri perremees Jaan Wõsso ja saije mõtsawaht Jaan Uibo kaibus ette loetus tolle pääle ütles Jaan Wõsso om küll oige et ollen 6 peddajat raggono, enge 2 noist olliwa obis ärra mäddano ni et middagi es sa. -

Otsus   Kohhos mõist Selle et 2 noist peddagist mää olliwa olno mõistis kohhos et Jaan Wõsso massap 2 rubla 50 kop 8 päiwa sissen Jaan Uibole wälja. -

Sai kohto  Otsus nink § 773 ja 774 kohton kaiadelle ette loetus nink olliwa mõllemba sellega rahho

                                               Karraskij Kohtomajan sel 3 oktobril 1875.-

                                                                      Pääkohtomees Jaan Tullos  XXX

                                                                       Kohtomees      Jakop Uibo  XXX

                                                                      teine  do           Michel Wõsso  XXX