Ette tulli Jaan Pang ja kaibas, et Jaan Liiw olla tema hainamaa ära lasknu sööta, tema nõudwat kahjutasumist 3 rubla.

Wastut Jaan Liiw, kui tälle kaibus ette sai pantus, et tema kari ei ollew söönu Jaan Pangi niidun. Tunnistaja Peter Lauk 37 aastat wana Lutteri usku, tunnist, et kari olnu Jaan Pangi niidun ja tema ollew tännitanu karjussit, niidust ära ajada, kelle kari olnu seda tema ei teedwat üttelda, karjan olnu üts walge lehm. Jaan Liiw sai ette kutsutus ja küsitus kas täl walget lehma om, wastut sesama et temal kül üts walge lehm olewat.

Nema ei lepi.

Kahju om kohtu liikmest Peter Sillaotsast üle kaetus saanu ja arwatus 1 rubla.

Otsus:

Jaan Liiw peab 14 päiwa sisen a dato Jaan Pangile masma 1 rubla.

See kohtu otsus sai kuulutedus.

Pääkohtumees J. Kabist [allkiri]

Kohtumees P. Sillaots [allkiri]

        "           P. Klais [allkiri]